Во свет каде оброците се прескокнуваат, а кафето и стресот стануваат основна група на храна, тој сендвич делува речиси субверзивно: домашен и внимателно направен.
Сендвич кој го преживеа модниот хаос
Затоа и не чуди што, по повод продолжението „Ѓаволот носи Прада 2“, њујоршкиот CUE 48 одлучи да го оживее тој момент. Во својата верзија, „Andi’s Grilled Cheese“ и „CUE 48 Grilled Cheese“ го реинтерпретираат култниот сендвич со акцент на сирењето кое исто така беше клучно во оригиналната сцена: Jarlsberg. Сендвичот се нуди како дел од ограниченото мени од 1 мај, а за дополнителни неколку долари доаѓа и класична супа од домати, како логичен, речиси носталгичен спој.
Интересно е како еден толку обичен оброк стана симбол за нешто многу поголемо врската меѓу „вистинскиот живот“ и светот на високата мода. Како што Енди тоне подлабоко во Runway, токму тој сендвич останува потсетник на она што полека го губи.
Зошто Jarlsberg?
Jarlsberg не е случаен избор. Станува збор за норвешко полутврдо сирење препознатливо по благиот, јаткаст вкус и карактеристичните дупки, слично на ементалерот, но со покремаста текстура. Токму оваа комбинација – лесно се топи, а е полно со вкус го прави идеален за тостирани сендвичи.
Во контекст на филмот, Jarlsberg носи одредена симболика: не е најлуксузното сирење на светот, но не е ни најобичното. Тоа е „средната точка“, исто како и Енди на почетокот на приказната меѓу два света, меѓу практичното и аспиративното.
Кога CUE 48 денес го става во фокусот на своето мени, се игра токму со оваа идеја. Тоа не е само омаж на филмот, туку и паметен потег кој ги комбинира носталгијата, поп-културата и „comfort food“. Бидејќи, на крајот на краиштата, во светот на Миранда Присли, каде што сè е подредено на совршенството, можеби најголемиот луксуз е совршено стопениот сендвич.
Извор: odrzime.rs
